यस्तो छ प्रचण्डले प्रधानमन्त्रीका रुपमा संसदमा गरेको अन्तिम सम्बोधन (पुर्णपाठ)

काठमाडौं । प्रधानमन्त्री पुष्पकमल दाहाल प्रचण्डले संसदमा पाँचौँ पटक विश्वासको मत मागेका छन् ।

उनले विश्वासको मत माग्दै सरकारको सफलता नै सरकार ढाल्ने आधार बनेको बताएका छन् ।

उनले आफूले भ्रष्टाचार गर्नेहरूसँग कुनै सम्झौता नगरी सुशासन स्थापित गर्ने काम गरेको जिकिर गरे ।

उनले त्रिभुवन विश्वविद्यालयको जग्गा खोज्दा, ललिता निवास, भुटानी शरणार्थी प्रकरणको निष्पक्ष छानबिन गर्दा भ्रष्टाचार गर्नेहरू डराएको बताए ।

बाँसबारीदेखि बाल मन्दिरसम्मका जमिन खोजी हुन थालेपछि देशको शक्ति सन्तुलन नै खलबलिएको बताए । सोही वर्गले पहिलो र दोस्रो ठूलो दल मिलाएको जिकिर गरे ।

उनले जनताले आफ्नो शक्ति नदेखाए पुनः सरकार माफियाहरूको हातमा जाने जिकिर गरे ।

उनले कांग्रेस–एमाले ०४६ सालको संविधानमा फर्किन चाहेको आरोप लगाउँदै प्रचण्डले त्यो स्वीकार्य नहुने बताए ।