कारले रोकिराखेको बसलाई हान्यो, कार चालक त्रिपाठीसहित तीन घाइते

काठमाडौं । पृथ्वीरामार्ग अन्तर्गत तनहुँको म्याग्दे गाउँपालिका-१ गुणादीमा भएको दुर्घटनामा चालकसहित ३ जना घाइते भएका छन् । पोखराबाट दमौलीतर्फ आउँदै गरेको ना५ख ५३५९ नम्बरको बस रोकिराखेका बेला सोही दिशाबाट आउँदै गरेको वाग्मती बी एसी ५७४० नम्बरको कार ठोक्किँदा दुर्घटना भएको हो ।

दुर्घटनामा परी कार चालक कास्कीको पोखरा महानगरपालिका-२५ बस्ने ३१ वर्षीय विकाश त्रिपाठी घाइते भएका छन् । कारमा सवार पोखरा-१६ का ३२ वर्षीय विकास बानियाँ र पोखरा-१९ का ३१ वर्षीय सञ्जीव भण्डारीलाई पनि चोट लागेको प्रहरीले बताएको छ ।