भुटानमाथि नेपालको शानदार जित

काठमाडौं । साफ यु–१६ महिला च्याम्पियनसिपमा नेपालले भुटानलाई हराएको छ ।

आज च्यासल रङ्गशालामा भएको खेलमा नेपालले ३–० गोलले भुटानलाई हराएको हो ।

नेपालको लागि पूजा गिरी, भूमिका बुढाथोकी र ग्यान्सु डोल्मा लोले गोल गरे ।

च्याम्पियनसिपको पहिलो खेलमा भने नेपाल पराजित भएको थियो ।

नेपाललाई बंगलादेशले २–० गोलले पराजित गरेको थियो ।

अब नेपालले समूहको अन्तिम खेलमा बिहिबार भारतसँग प्रतिस्पर्धा गर्नेछ ।

लिग चरणमा शीर्ष दुईमा पर्ने टिमबीच उपाधिका लागि प्रतिस्पर्धा हुनेछ ।