नामिबियाविरूद्ध दबाबमा नेपाल, ७२ रनमा गुम्यो ४ विकेट
![](https://www.makalukhabar.com/wp-content/uploads/2023/10/Final-icon-Logo-2023.png)
![नामिबियाविरूद्ध दबाबमा नेपाल, ७२ रनमा गुम्यो ४ विकेट](https://www.makalukhabar.com/wp-content/uploads/2024/03/anil-aasif-mk.jpg)
काठमाडौं । जारी टी–२० क्रिकेट सिरिजमा नामिबियाविरुद्ध नेपालको चौथो विकेट पतन भएको छ ।
कीर्तिपुरस्थित त्रिवि अन्तर्राष्ट्रिय क्रिकेट मैदानमा जारी खेलमा नेपालका दुबै ओपनरसहित ४ विकेट गुमाएको हो ।
९ ओभरको खेल सकिँदा ओपनर आसिफ शेख, अनिल सा, रोहित पौडेल, गुल्सन झा आउट भएका हुन् ।
अनिल साह र आसिफ शेखले ओपनिङ गरेको खेलमा आसिफ दोस्रो ओभरको पहिलो बलमा एक रनमा बोल्ड भए ।
यस्तै चौथो ओभरमा कप्तान रोहित पौडेल ९ बलमा २ चौकाको मद्दतमा १० रन जोडेर आउट भए ।
सातौं ओभरको अन्तिम बलमा अनिल साह २३ रनमा आउट भए ।
उनले १७ बलमा ३ छक्का प्रहार गरे ।
अर्को ओभरमा गुल्सन झा २६ रन बनाएर खेलिरहदा बर्नाल्ड स्कोल्ट्जको एलबिडब्लूको धरापमा परे ।
त्यतिबेला नेपालले ७.२ ओभरमा ४ विकेटको क्षतिमा ६४ रन जोडेको थियो ।
सिरिजका सुरुवाती दुई खेलमा नामिबिया र नेदरल्यान्ड्ससँग नेपाल पराजित भएको थियो ।
टस जितेर नामिबियाले फिल्डिङ रोजेसँगै नेपाल ब्याटिङमा उत्रिएको हो ।
![](https://www.makalukhabar.com/wp-content/uploads/2023/10/Final-icon-Logo-2023.png)