गाजा युद्धबारे छलफल गर्न इजिप्ट विदेशमन्त्री वाशिङटन लागे

एजेन्सी । इजिप्टका विदेशमन्त्री सामेह शौकरी गाजा पट्टीमा युद्धविरामको बारेमा छलफल गर्न अमेरिकी प्रतिनिधि सभा र अमेरिकी सिनेटका केही सदस्यहरूसँग भेट्न मङ्गलवार अमेरिकी राजधानी वाशिङटन डिसी गएका छन् ।

उनले वाशिङटन डिसीमा रहेको युएस सेन्टर फर स्ट्राटेजिक एण्ड इन्टरनेशनल स्टडिजमा हुने बैठकमा इजरायली युद्ध र त्यसको असरबारे पनि सम्बोधन गर्नेछन् । प्रतिनिधिमण्डलले युद्धविरामको लागि आग्रह गर्न र गाजामा बिग्रँदै गएको मानवीय अवस्थालाई सम्बोधन गर्न अन्तर्राष्ट्रिय कारबाहीका लागि आह्वान गर्ने अपेक्षा गरिएको छ ।