विराटनगर इन्टरनेशनल कलेजको दीक्षान्त समारोह सम्पन्न, ७९ विद्यार्थीहरू दीक्षित

विराटनगर । विराटनगर इन्टरनेशनल कलेजले दीक्षान्त समारोह –२०२३ सम्पन्न गरेको छ ।

बुधवार इटहरीको सोल्टी वेस्टेन्डमा कलेजले आफ्नो वार्षिक दीक्षान्त समारोहको सम्पन्न गरेको हो ।

समग्रमा बिएस्सी (अनर्स) इन्टरनेशनल बिजनेस म्यानेजमेन्ट विषयका ७९ विद्यार्थीहरू दीक्षित भएका थिए ।

आफ्नो प्रेरणादायी भाषणमा, इनोभेट नेपाल ग्रुपका संस्थापक अध्यक्ष शुलभ बुढाथोकीले स्नातक विद्यार्थीहरूको उपलब्धिहरूको प्रशंसा गर्दै उनीहरूलाई आफ्नो ज्ञानलाई राम्ररी प्रयोग गर्न आग्रह गरे ।

उनले भने ‘विश्वमा प्रवेश गर्दा विराटनगर इन्टरनेशनल कलेजको प्रतिनिधित्व गर्ने कुरालाई ध्यानमा राख्नुहोस् । आफ्नो शिक्षामा गर्व गर्नुहोस् र यसलाई मानिसहरूको जीवनमा सुधार गर्न प्रयोग गर्नुहोस् ।’

समारोहमा विराटनगर इन्टरनेशनल कलेजको शैक्षिक साझेदारको रूपमा काम गर्ने उल्भरहेम्टन विश्वविद्यालयका सुश्री सर्जिन मोंप्लेले प्रशंसनीय भाषण दिए । उनले उच्च गुणस्तरको शिक्षा प्रदान गर्ने कलेजको अटल प्रतिबद्धताको प्रशंसा गरे ।

साथै, मोंप्लेले उत्तीर्ण विद्यार्थीहरूलाई उनीहरूको उत्कृष्ट उपलब्धिहरूको कदर गर्दै हार्दिक बधाई दिए ।

विराटनगर इन्टरनेशनल कलेज २०२३ को कक्षा उत्तीर्ण विद्यार्थीहरूलाई हार्दिक बधाई तथा उत्तरोत्तर प्रगतिको कामना गरेको छ ।