संयुक्त राष्ट्र संघद्वारा आर्थिक, सामाजिक, सांस्कृतिक अधिकारको प्रवर्द्धन गर्ने प्रस्ताव पारित
मकालु खबर २०८० असोज २६ गते
सिन्ह्वा । संयुक्त राष्ट्र संघले आर्थिक, सामाजिक, सांस्कृतिक अधिकारको प्रवर्द्धन गर्ने प्रस्ताव पारित गरेको छ ।
बिहीबार संघको मानव अधिकार परिषद्ले आर्थिक, सामाजिक, सांस्कृतिक अधिकारको प्रवर्द्धन र संरक्षणका लागि उत्कृष्ट अभ्यास र सुदृढ ज्ञान केन्द्र स्थापना गर्न आह्वान गर्ने प्रस्ताव पारित गरेको हो ।
चीन, बोलिभिया, इजिप्ट, पाकिस्तान, दक्षिण अफ्रिका, सिरिया र भेनेजुएला लगायतका देशहरूको समूहले पहल गरेको असमानतालाई सम्बोधन गर्ने सन्दर्भमा आर्थिक, सामाजिक, सांस्कृतिक अधिकारको प्रवर्द्धन र संरक्षण गर्ने शीर्षकको प्रस्ताव मतदान बिना नै पारित गरिएको हो ।
प्रस्तावमा यी अधिकारको प्रवर्द्धनमा पहल गर्नका लागि परिषद्को ५७ औँ अधिवेशनमा प्यानल छलफलका लागि आह्वान गरिएको छ ।
मकालु खबर २०८० असोज २६ गते
प्रतिक्रिया
सम्बन्धित
