चौथो दिनमा पनि छाता ओढेरै प्रदर्शनमा उत्रिए स्थानीय तहका कर्मचारी (तस्बिरहरू)
मकालु खबर २०८० असोज १७ गते
काठमाडौं । सरकारले ल्याउन लागेको सङ्घीय निजामती विधेयकमा असन्तुष्टि जनाउँदै स्थानीय तहका कर्मचारीहरूको आन्दोलन आज पनि जारी छ । उनीहरूले आन्दोलन गरेको आज चौथो दिन हो ।
सोमवारदेखि सङ्घीय निजामती सेवा ऐनको सट्टा एकीकृत निजामती सेवा ऐन जारी गर्नुपर्ने, प्रमुख प्रशासकीय अधिकृत स्थानीय तहकै कर्मचारी हुनुपर्ने, अन्तरस्थानीय तहका कर्मचारीको सरुवामा दोहोरो सहमति आवश्यक नपर्ने लगायतका माग राखी उनीहरू आन्दोलन गरेका हुन् ।
आज बुधवार पनि काठमाडौँको माईतीघरमा स्थानीय तह कर्मचारी केन्द्रीय सङ्घर्ष समिति बनाएर आन्दोलनमा उत्रिएका छन् । उनीहरूले माईतीघरबाट बानेश्वरसम्म प्रदर्शन गरेका हुन् ।
हेर्नुहोस् तस्बिरहरू :
मकालु खबर २०८० असोज १७ गते
प्रतिक्रिया
सम्बन्धित
