पाल्पा बस दुर्घटना अपडेट : घाइते महिलाको मृत्यु, ३८ जना घाइते
मकालु खबर २०८० वैशाख १० गते
पाल्पा । पाल्पाको तिनाउ गाउँपालिका–५ स्थित जोरधारामा आइतबार बिहान भएको बस दुर्घटनामा एक महिलाको मृत्यु भएको छ ।
दुर्घटनामा घाइते भएकी महिलालाई उपचारका लागि लैजाँदै गर्दा बाटोमै मृत्यु भएको हो ।
दुर्घटनामा अन्दाजी ४० वर्षकी राधिका पौडेलको मृत्यु भएको पाल्पाका प्रहरी प्रवक्ता डिएसपी विरेन्द्र थापाले बताए ।
आज बिहान बुटवलबाट बाग्लुङ जाँदै गरेको लु १ ख ५९५६ नम्बरको यात्रुवाहक बस पाल्पाको तिनाउ गाउँपालिका–५ स्थित जोरधारामा दुर्घटना भएको थियो ।
थापाका अनुसार बसमा सवार ३८ जना घाइतेलाई उद्धार गरी लुम्बिनी मेडिकल कलेज प्रभासमा पठाइएको छ ।
घाइतेमध्ये ६ जनाको अवस्था गम्भीर रहेको थापाले बताए ।
मकालु खबर २०८० वैशाख १० गते
प्रतिक्रिया
सम्बन्धित
