बिनु यादवले गरिन् सर्वोच्चअघि प्रदर्शन (तस्बिरहरू)

काठमाडाैँ । रामेछापकाे गोठगाउँका प्रदीप कठायतसँगको प्रेम सम्बन्धपछि विवाह हुँदै सम्बन्ध विच्छेदसम्म गरेकी बिनु यादवले आफूमाथि घरेलु हिंसा भएको बताउँदै आज सर्वोच्च अदालत अघि प्रदर्शन गरेकी छिन् ।

आफूले न्याय नपाएको भन्दै विरोध स्वरूप यादवले सर्वोच्चको साइनबोर्डमा रातो रङ्ग छ्यापेर विरोध प्रदर्शन गरेकी हुन् । सर्वोच्चमा रङ्ग छ्यापेलगत्तै यादव र उनको सहयोगी जश्मिन ओझालाई प्रहरीले पक्राउ गरेको छ ।

बिनु र प्रदीपको केही महिनाअघि जिल्ला अदालत रामेछापबाट सम्बन्ध विच्छेद भएको थियो । यादवले जिल्ला न्यायाधीशले पैसा खाएर सम्बन्ध विच्छेदको फैसला गरेको सार्वजनिक रूपमा भन्दै आएकी छिन् ।

केही महिनाअघि पुनरावेदन अदालत रामेछापमा उनले विष सेवन गरेर आत्महत्याको प्रयाससमेत गरेकी थिइन् ।

प्रतिक्रिया

Leave a Reply

Your email address will not be published. Required fields are marked *