प्रदीप गिरि चाहन्थे- ‘मरेपछि मेराे शरीर वस्तीपुरमा जलाउनू’
मकालु खबर
काठमाडाैँ । नेपाली कांग्रेसका वैचारिक नेता प्रदीप गिरिकाे शनिवार राति निधन भयाे । उनकाे निधनपछि आइतबार बिहान कांग्रेसले अन्त्येष्टिकाे कार्यक्रम सार्वजनिक गरेकाे छ । जसअनुसार उनकाे अन्त्येष्टि आर्यघाटमा गरिँदैछ । तर, उनी स्वयम्ले भने आफ्नाे शरीर सिराहाकाे वस्तीपुरमै जलाउनू भनेका थिए ।
उनकाे अति निकटस्थहरूकाअनुसार प्रदीपले काठमाडाैँ नभएर वस्तीपुर राेजेका थिए । उनीसँग निकट वरिष्ठ पत्रकार किशाेर नेपालले यसबारे खुलासा गरेका छन् । उनले आफ्नाे फेसबूकमार्फत् भनेका छन्, ‘प्रदीप दाइ चाहनुहुन्थ्यो, उहाँको अन्तिम संस्कार राजधानीको तामझामबाट टाढा, वस्तीपुर, सिराहास्थित आश्रमको शान्त परिवेशमा होस् ।’
- सम्बन्धित सामाग्री
प्रदीप गिरी : ढल्याे विचारको एउटा ‘विश्वविद्यालय’
साथै उनले प्रदीपकाे याे इच्छा पूरा गर्नसमेत सम्बन्धित सबैलाई आग्रह गरेका छन्, उनले भनेका छन्— उहाँको यो इच्छाको कदर गर्न म नेपाल सरकार तथा सम्बन्धित पक्षसँग आग्रह गर्दछु । पत्रकार नेपालले वस्तीपुरमा कैद गरिएकाे प्रदीपसँगकाे दुईवटा तस्बिरसमेत सार्वजनिक गरेका छन् ।
मकालु खबर
