ओलीलाई रावलको जवाफ- ‘म पार्टी सिद्धान्त अनुरूप उभिएको छु’
मकालु खबर
काठमाडौँ । नेकपा एमालेका नेता भीम रावलले आफ्ना अभिव्यक्ति राख्न नदिनु पार्टीको सिद्धान्त विपरीत भएको बताएका छन् । संसद्मा छलफलमा सहभागी हुननदिनु आत्मप्रचारक सोच भएको बताएका हुन् ।
रावलले सामाजिक सञ्जालमार्फत एमालेको विधानले प्रतिवेदन र संगठनात्मक प्रस्तावले एमसीसीसँगको सम्झौताबारे स्पष्ट धारणा बनाई राष्ट्रिय हितको पक्षमा उभिन निर्देशित गरेको उल्लेख गरे ।
‘पार्टी विधानले राष्ट्रिय हितको पक्षमा उभिन निर्देशित गर्दछ,’ उनले भनेका छन्, ‘संसद्मा छलफलमा सहभागी हुननदिनु आत्मकेन्द्रित, आत्मप्रचारक सोच र पार्टीको सिद्धान्त, र नीति विपरीत हो । म पार्टी सिद्धान्त अनुरूप उभिएको छु ।’
एमालेको विधान, प्रतिवेदन र संगठनात्मक प्रस्तावले एमसीसीसंगको सम्झौताबारे स्पष्ट धारणा बनाई राष्ट्रिय हितको पक्षमा उभिन निर्देशित गर्दछ । संसदमा छलफलमा सहभागी हुननदिनु आत्मकेन्द्रित, आत्मप्रचारक सोच र पार्टीको सिद्धान्त, र नीति विपरीत हो । म पार्टी सिद्धान्त अनुरुप उभिएको छु।
— Bhim Rawal, PhD (@BhimRawal179) March 2, 2022
यसअघि मंगलबार अध्यक्ष केपी शर्मा ओलीले नेता रावलले आफूलाई हिरो देखाइराखेको बताएका थिए । त्यसको जवाफमा नेता रावलले देशको पक्षमा बोलेर ‘महाहिरो’ हुन अध्यक्ष ओलीलाई आग्रह गरेको छन् । ‘अध्यक्षले आफै देशको पक्षमा बोलेर ‘महाहिरो’ हुनुभएको भए म खुशी नै हुने थिएँ,’ उनले अगाडि भनेका छन्, ‘देश पार्टी र व्यक्तिगत स्वार्थभन्दा धेरै माथि हुन्छ ।’
राष्ट्रिय स्वाधीनता र हितको पक्षमा जननिर्वाचित प्रतिनिधिको कर्तब्य अनुरुप संसदमा बोल्दा मैले ‘हिरो’ हुनखोजेको भनी मन पोलेको भए पार्टी अध्यक्षले आफै देशको पक्षमा बोलेर ‘महाहिरो’ हुनुभएको भए म खुशी नै हुनेथिएँ । देश पार्टी र व्यक्तिगत स्वार्थभन्दा धेरै माथि हुन्छ, चेतना भया ।
— Bhim Rawal, PhD (@BhimRawal179) March 2, 2022
मकालु खबर
