नान्टेससँग हार्यो शीर्ष स्थानको पीएसजी
मकालु खबर २०७८ फागुन ८ गते
काठमाडौँ । च्याम्पियन्स लिगमा स्पेनिस क्लब रियल म्याड्रिडलाई हराएको पेरिस सेन्ट जर्मेन (पिएसजी) फ्रेन्च लिग वानमा नान्टेससँग पराजित भएको छ । पीएसजी नान्टेसको मैदानमा ३-१ ले पराजित भएको हो ।
नान्टेसको जितमा रन्डाल कोलो मुअनी, कुइन्टिन मार्लीन र लुडोभिक ब्लासले एक एक गोल गरे । पीएसजीका लागि नेयमारले सान्त्वना गोल फर्काएका थिए । ५९औँ मिनेटमा नेयमारले पेनाल्टी सदुपयोग गर्न नसक्दा पिएसजी थप दबाबमा परेको थियो ।
हारपछि २५ खेलबाट ५९ अंक बनाएको पीएसजी शीर्ष स्थानमा कायम छ भने समान खेलबाट ३८ अंक बनाएको नान्टेस पाँचौँ स्थानमा रहेको छ ।
मकालु खबर २०७८ फागुन ८ गते
प्रतिक्रिया
सम्बन्धित
