जाेर–बिजोरलाई थप व्यवस्थित गर्नेबारे उपत्यकाका सिडिओहरूकाे बैठक बस्दै
मकालु खबर
काठमाडौँ । उपत्यकाका प्रमुख जिल्ला अधिकारीहरूले कोरोनाको नयाँ भेरियन्ट ओमिक्रोन सहितको संक्रमण नियन्त्रणबारे छलफल गर्ने भएका छन् ।
दिउँसो जिल्ला प्रशासन कार्यालय काठमाडौँमा ३ जिल्लाका प्रजिअहरूको बैठक बस्ने भएको हो ।
काठमाडौँ उपत्यकामा माघ ७ गतेबाट सार्वजनिक र निजी सवारी साधनमा जोरबिजोर प्रणाली लागू गरिएको छ । काठमाडौँका प्रमुख जिल्ला अधिकारी गोविन्द प्रसाद रिजालले जोरबिजोर प्रणालीलाई थप व्यवस्थित कसरी बनाउने भन्ने विषयमा बैठक बस्न लागेको बताए ।
शनिवार नेपाल र मरिसस बीच फुटबल हुँदै छ । सो प्रतियोगितामा दर्शक पनि उपस्थित गराउने गरी अनुमति दिन अखिल नेपाल फुटबल संघले स्थानीय प्रशासनलाई आग्रह गरेको छ । बैठकमा त्यसबारेमा समेत छलफल गरिने रिजालले बताए ।
झण्डै एक हप्तादेखि लागू गरिएको जाेर-बिजाेर प्रणालीले आम मानिस भने थप सकसमा परेको देखिएकाे छ ।
याे पनिः
मकालु खबर
