प्रेस सेन्टरले माग्यो प्रधान न्यायाधीशको राजीनामा

चितवन । नेकपा माओवादी केन्द्र निकट पत्रकारहरूको संगठन प्रेस सेन्टर नेपालले प्रधान न्यायाधीश चोलेन्द्र शमशेर जबराको राजीनामा माग गरेको छ । चितवनमा जारी प्रेस सेन्टरको चौथो राष्ट्रिय महाधिवेशनले १८ बुँदे ‘चितवन घोषणापत्र’ सार्वजनिक गर्दै प्रधान न्यायाधीश जबराको राजीनामा माग गरेको हो ।

घोषणापत्रको बुँदा नम्बर २ मा प्रधान न्यायाधीश जबराले राजीनामा दिनुपर्ने उल्लेख छ । प्रधान न्यायाधीश जबराको राजीनामा दिनुपर्ने सेन्टरको मागलाई बन्द सत्र फ्लोरले अनुमोदन गरेको छ।