भारतीय अभिनेत्री कंगनाविरुद्ध प्रहरीमा उजुरी
मकालु खबर
काठमाडौँ । भारतीय अभिनेत्री कंगना रनौत आफ्नो अभिव्यक्तिका कारण विवादमा परिरहन्छिन् । उनी पुनः विवादमा तानिएकी छन् । उनीविरुद्ध प्रहरीमा उजुरीसमेत परेकाे छ ।
उनी एक राष्ट्रिय मिडिया नेटवर्कको वार्षिक समिटमा गेस्ट स्पिकरको रूपमा उपस्थित भएर दिएकाे अभिव्यक्तिका कारण अहिले पुन: विवादमा तानिएकी हुन् । उनले बाेल्ने क्रममा भारतको स्वतन्त्रतालाई ‘भिखको संज्ञा’ दिएकी थिइन् । साेही अभिव्यक्तिका कारण उनी अहिले विवादमा परेकी हुन् ।
कतिपयले त उनलाई देशद्रोहीको आरोप नै लगाएका छन् । यही आराेप लगाउँदै उनीविरुद्ध आम आदमी पार्टीकी राष्ट्रिय सदस्य प्रीती शर्माले मुम्बर्य प्रहरीमा उजुरी दर्ता गराएकी छन् ।
हालसालै कंगनाले पाएको पद्यश्री अवार्ड फिर्ता लिन बलिवुड कलाकार तथा राजनीतिक दलहरूले माग गरेका छन् । कंगनाको समर्थन गर्ने भारतीय जनता पार्टीेसमेत यसपटक उनको विरोधमा उत्रिएको छ ।
मकालु खबर
