नेपालको प्रदर्शनमा प्रशिक्षक अल्मुताइरी खुसी

काठमाडौँ । भारतसँगको पहिलो खेल बराबरी खेलेको नेपाल दोस्रो खेलमा पराजित भएपनि नेपालका मुख्य प्रशिक्षक अब्दुल्लाह अल्मुताइरीले टिमको प्रदर्शनप्रति खुसी व्यक्त गरेका छन् । खेलपछि पत्रकार सम्मेलनमा प्रशिक्षक अल्मुताइरीले हारका बाबजुद टिमको प्रदर्शन उत्कृष्ट रहेको दाबी गरे ।

‘टिमको प्रदर्शनमा मलाई कुनै गुनासो छैन । सबैले राम्रो खेलेका हुन् । हारमा धेरै गुनासो छैन‚’ उनले भने । मैत्रीपूर्ण खेलको हारलाई स्वभाविक मान्नुपर्नेसमेत उनले बताए । आफ्नो प्रमुख लक्ष्य साफ च्याम्पियनसीप रहेको भन्दै उनले साफमा नेपालको प्रदर्शन सुधारिएको हुने र राम्रो नतिजा आउने दाबी दोहोर्‍याए ।

नतिजा भुलेर हेर्दा नेपालको खेल सबैको मन जित्ने खालको रहेकाे उनको भनाइ थियो ।