परिवारले नस्विकारेको अन्तरजातीय विवाह गरेका जोडीको गुनासो (भिडिओसहित)
मकालु खबर
काठमाडौं । कैलालीमा अन्तरजातीय विवाह गरेका एक जोडी २१ दिनदेखि जंगलमा लुकेर बस्न बाध्य भएको भिडिओ सार्वजनिक भएको छ । । कैलालीको भजनी नगरपालिका ४ झलझलियाका प्रकाश विश्वकर्मा र मालती रावल अन्तरजातीय विवाह गरेपछि २१ दिनदेखि जंगलमा लुकेर बस्न बाध्य भएका हुन् । उनीहरुले एक भिडिओ बनाउँदै भनेका छन्— ‘हामीलाई रुकुम घटना दोहोरिन सक्छ भनेर परिवारले भनेका छन् ।’
प्रकाश–मालती फाटट्फुट्ट गाउँमा आएपनि जंगलमा लुकेर बस्ने गरेको गरेका छन् । विवाह गरेलगत्तै मालतीका आफन्तले प्रकाशलाई मारिदिने, घर जलाइदिने चेतावनी दिएपछि आफूहरु जंगलमा गएर बस्न बाध्य भएको प्रकाशले भिडिओमार्फत बताएका छन् । कैलालीकै एक जंगलमा लुकेर बसिरहेका उनीहरुले जंगलबाटै आफूहरु समस्यामा परेको भिडिओ सार्वजनिक गरेका हुन् ।
दलित अभियन्ता तथा अध्येता जेबी विश्वकर्माले भिडिओ ट्वीटरमार्फत सार्वजनिक गरेका हुन् । भिडियोमा उनीहरुले अन्तरजातीय विवाह गर्दा भोगेको मानसिक र सामाजिक विभेदको बारेमा बोलेका छन् । भिडिओसार्वजनिक भएपछि केही दलित अभियन्ता र युवकका आफन्तको समन्वयमा उनीहरुलाई घरमा फर्काउने प्रयास भइरहेको छ ।
“हामी भागेर जंगलमा बसिरहेका छौं”
कैलालीका भजनी नगरपालिका-४ भलझलियाका प्रकाश विश्वकर्मा र मालती रावल अन्तरजातीय विवाहका कारण भाग्दै जंगलमा बसिरहेको भिडियो सार्वजनिक भएको छ । उहाँहरुले जीवन रक्षाको लागि सहयोगको अपेक्षा गर्नुभएको छ । प्रकाशको आफन्तबाट प्राप्त भिडियो@NepalPoliceHQ pic.twitter.com/BjF7bA1Ogo— J B Biswokarma (@JBBiswokarma) July 9, 2021
मकालु खबर
