जर्ज फ्लोइडको हत्या अभियोगमा एक पूर्वप्रहरीलाई २२ वर्षको जेल सजाय
मकालु खबर
२०७८ असार १२ गते
एजेन्सी । जर्ज फ्लोइडको हत्या अभियोग लागेका अमेरिकाका एक पूर्वप्रहरीलाई २२ वर्ष ६ महिनाको जेल सजाय दिइएको छ । ९ मिनेटभन्दा बढी समय घुँडाले घाँटीमा थिचेपछि फ्लोइडको मृत्य भएकोमा अदालतले पूर्वप्रहरी डेरेक सोभिनलाई दोषी प्रमाणित गर्दै उक्त सजाय दिएको हो ।
सोभिनमाथि पदको विश्वास र अख्तियारीको दुरुपयोगमा पनि दोषी देखाइएको छ । फ्लोइडको हत्यापछि प्रहरी दमनविरुद्ध विश्वव्यापी रूपमा प्रदर्शनहरू भएका थिए । सुनुवाइको समयमा सोभिनका वकिलले राम्रो मनसाय राख्दा भएको गल्ती बताएका थिए ।
बीबीसीकाअनुसार अब सोभिनले आजीवन हतियार राख्न नपाउने भएका छन् । फ्लोइडको परिवार र समर्थकले उक्त फैसलाको स्वागत गरेका छन् ।
मकालु खबर
२०७८ असार १२ गते
प्रतिक्रिया
सम्बन्धित