कमल थापाले भने- ‘संघीयता खारेज गर्नु बेस’

काठमाडौं । राष्ट्रिय प्रजातन्त्र पार्टीका अध्यक्ष कमल थापाले प्रदेश प्रमुखलाई हटाउने सरकारको कार्य संविधानको भावनाविपरीत भएको बताएका छन् । उनले सामाजिक सञ्जालमार्फत यस्तो बताएका हुन् ।

जतिबेला मन लाग्यो त्यतिबेला प्रदेश प्रमुखलाई हटाउनु गलत भएको उनको भनाई छ । सरकारको सो कदमलाई ‘स्वेच्छाचारी र सर्वसत्तावादको द्योतक’ संज्ञा दिँदै थापाले यस्तो काम गर्नुभन्दा संघीयता खारेज गर्नु बेस हुने धारणा राखे ।

राजनीतिक स्वार्थ र दाउपेचमा प्रयोगगर्ने उदेश्य राखि प्रदेशप्रमुख जस्तो गरीमामय संवैधानिक पदमा रहेका व्यक्तिलाई जतिबेला मनलाग्यो हटाउने र राख्ने सरकारको काम गलत र संविधानको भावना विपरित छ।यो कार्य स्वेच्छाचारी र सर्वसत्तावादको द्योतक हो।यस्तो काम गर्नुभन्दा संघियता खारेजगर्नु बेस

— Kamal Thapa (@KTnepal) May 3, 2021