दीपावली होइन राजनीतिक नेतृत्वले आत्मसमिक्षा गरौं : बाबुराम
काठमाडौँ । पूर्व प्रधानमन्त्री तथा जनता समाजवादी पार्टीका संघीय परिषद अध्यक्ष डा. बाबुराम भट्टराईले राजनीति यति भ्रष्ट बन्नुको कारणबारे आत्मसमिक्षा गर्नुपर्ने बताएका छन् ।
उपचारका क्रममा भारतको नयाँदिल्लीमा रहेका भट्टराईले प्रतिनिधि सभा विघटन गर्ने सरकारको निर्णय बदर भएसंगै देश पुस ५ को अवस्थामा फर्केको तर अहिल्यै दीपावली गरिहाल्नुपर्ने अवस्था भने आइनसकेको टिप्पणी गरेका हुन् । ट्वीटरमा उनले भनेका छन्- ‘अहिले दीपावली होइन गम्भीर आत्मसमिक्षा गर्ने बेला हो ।’
भष्मासुरलाई कसले हुर्कायो, पाल्यो ? राजनीतिलाई राज्य दोहनको साधन कसरी बनाइयो ? राजनीतिक नेतृत्व यति भ्रष्ट र मुल्यमान्यता विहीन कसरी भयो ? जस्ता प्रश्न अनुत्तरित रहेकाले यसबारे गम्भीर आत्मसमिक्षा गर्नुपर्ने बेला आएको उनको भनाइ छ । यसमा राजनीतिक नेतृत्व दोषी रहेको स्वीकार्दै उनले भनेका छन् ‘त्यसलाई जनताले कसरी पत्याउने ? म म भनौँ ।’
ऐले दीपावली हैन गम्भीर आत्मसमीक्षा गर्ने वेला हो!देश पुस५मा फर्केको मात्र छ;यी सबै प्रश्न अनुत्तिरत छन्:भष्मासुरलाई कसले हुर्कायो/पाल्यो?राजनीतिलाई राज्यदोहनको साधन कसरी बनाइयो?राजनीतिक नेतृत्व यति भ्रष्ट/मूल्यमान्यताविहीन कसरी बन्यो?त्यसलाई तुरून्तै जनताले पत्याउने कसरी?मम:भनौं!
— Baburam Bhattarai (@brb1954) February 24, 2021