विद्युतीय गाडी खरिदमा दशैं अफर : चार तोलासम्म सुन र अरु थुप्रै उपहार

काठमाडौं । दीगोेले दीगोे ब्रान्डका विद्युतीय सवारी साधन खरिद गर्ने प्रत्येक ग्राहकका लागि दसैं अफर ‘दीगोे स्वर्ण उत्सव’ सार्वजनिक गरको छ । यो उत्सवमा ग्राहकले खरिद गरेको गाडीको मोडलको आधारमा चार तोलासम्म सुन उपहार पाउने छन् । यसबाहेक पनि ग्राहकले निःशुल्क एसेसोरिज, एक वर्षको सडक कर, तीनवटा निःशुल्क सर्भिसिङ र ८० प्रतिशतसम्म कर्जाको सुविधा पाउनेछन् ।

यसका अतिरिक्त ग्राहकले ७० प्रतिशत कम चालू खर्चले पुग्ने विद्युतीय गाडी, ज्यादै कम मर्मत खर्च, अत्यन्तै सजिलो ड्राइभिङ लगायतको लाभ पनि लिन पाउने छन् । दीगोेले नेपाली बजारमा दीगोे इ ८, डिएफएसके डाँफे, जोयलङ इ ६ र सिएचटिसी इ–बस सार्वजनिक गरेको थियो । यो स्वर्ण उत्सव यी चारवटै मोडलहरुमा लागू हुनेछ ।

दीगोे इ ८ ह्याचब्याक कार हो । यो मोडलको मुल्य २४ लाख ९४ हजार रुपैयाँ तोकिएको छ । १५.२ किलोवाट आवर ब्याट्री प्याक र १५ किलोवाटको मोटर रहेको यो कार एकपटकको चार्जले सामान्य ड्राइभिङ कन्डिसनमा १ सय ५० किलोमिटर (एनइडिसी २०० किलोमिटर) गुड्छ ।

डिएफएसके डाँफे ११ सिट भएको माइक्रोबस हो । यो गाडीको मूल्य ४४ लाख रुपैयाँ तोकिएको छ । यसमा ४२ किलोवाट आवरको ब्याट्री र ६० किलोवाटको मोटर छ । एकपटकको चार्जले सामान्य ड्राइभिङ कन्डिसनमा यो माइक्रोबस २५० किलोमिटरसम्म (एनइडिसी ३ सय किलोमिटर) गुड्छ ।

त्यसैगरी जोयलङ इ ६, २० सिट क्षमताको मिनिबस हो । ९० लाख रुपैयाँ मूल्य पर्ने इ ६, ८० किलोवाट आवरको ब्याट्री प्याक र १ सय १० किलोवाटको मोटरसहित आउँछ । एकपटकको चार्जले यो बस सामान्य ड्राइभिङ कन्डिसनमा २ सय १० किलोमिटर (एनइडिसी २८० किमी) गुड्छ ।

त्यस्तै, सिएचटिसी इ–बस २८ सिटको छ । १ करोड २६ लाख ५० हजार मूल्य तोकिएको यो बसको सिट क्षमता आवश्यकता अनुसार मिलाउन सकिन्छ । यसमा १ सय २९ किलोवाट आवरको ब्याट्री प्याक र १ सय ४० किलोवाटको मोटर छ । एक पटकको चार्जले यो बस २ सय किलोमिटर गुड्छ ।

चाडपर्वको अवसर पारेर ल्याइएको अफरका विषयमा बोल्दै दीगोे कम्पनीका सिइओ हेमन्त पुरानिकले भने, ‘यो बजारमा उपलब्ध मध्येको उत्कृष्ट अफर हो । ग्राहकले एकातिर सवारी साधनमा धेरै आकर्षक अफर पाइरहनुभएको छ, भने त्यही समयमा उहाँहरुले विद्युतीय बाहनको जबरदस्त लाभ पाउनुहुन्छ । यो अफरमार्फत हामी पर्वको उमंग र खुसियाली ल्याउन चाहन्छौं । आशा गरौं चाँडै नै सबै ठिक हुनेछ र आवश्यक सबै सावधानी अपनाएर पर्व मनाउनेछौं । हामी सबैजनालाई सुस्वास्थ्य र समृद्धिसहित ज्यादै सुखद र सुरक्षित दसैंको कामना गर्दछौं ।’