‘एउटै व्यक्ति दुई पटक संसद सदस्य हुन पाउने व्यवस्था संविधानले कहीँकतै गरेको छैन’
मकालु खबर
काठमाडौं । संविधानविद् भीमार्जुन आचार्यले एकै व्यक्तिलाई पटक–पटक संसदको सदस्य बनाउन संविधानले कतै व्यवस्था नगरेको बताएका छन् ।
डा. युवराज खतिवडालाई पुनः अर्थमन्त्रीमा नियक्ति गर्ने बहस चलिहँदा आफ्नो आधिकारिक ट्वीटरबाट ट्वीट गरेका संविधानविद् आचार्यले यस्तो व्यवस्था संविधानले कहीँकतै नगरेको उल्लेख गरेका हुन् ।
“संघीय संसद् अर्थात् प्रतिनिधि सभा वा राष्ट्रिय सभाको एक कार्यकालमा एउटै व्यक्ति दुई पटक संसद सदस्य हुन पाउने व्यवस्था संविधानले कहीँकतै गरेको छैन ।” उनले लेखेका छन् ।
यस्तै उनले यो संसदीय अभ्यास समेत नभएको जिकिर गरेका छन् । ‘कसको स्वार्थमा पटक–पटक असफल भैसकेको व्यक्तिका लागि सरकारले गैह्र संवैधानिक कसरत गर्दैछ ।’उनले प्रश्न गरेका छन् ।
अहिले नेकपाभित्र राष्ट्रिय सभामा उपाध्यक्ष गौतमलाई लैजाने या खतिवडालाई पुनः दोहोर्याउने भन्नेबारे कुरा मिलिरहेको छैन ।
यही विषयमा विवाद हुँदा आज ११ बजेका लागि बोलाइएको सचिवालय बैठक दिउँसो ३ बजे बस्ने भन्दै सारिएको छ ।
संघीय संसद् अर्थात् प्रतिनिधि सभा वा राष्ट्रिय सभाको एक कार्यकालमा एउटै ब्यक्ति दुई पटक संसद् सदस्य हुन पाउने व्यवस्था संविधानले कहीँकतै गरेको छैन । यो संसदीय अभ्यास पनि होइन । कसको स्वार्थमा पटक पटक असफल भैसकेको ब्यक्तिका लागि सरकारले गैह्र संवैधानिक कसरत गर्दैछ, बुझ्न सकिएन ।
— Bhimarjun Acharya (@BhimarjunPhD) September 3, 2020
मकालु खबर
