आइसीसी क्रिकेट लिग टू : ओमानद्वारा नेपालसामु १९८ रनको लक्ष्य प्रस्तुत

माघ २२, काठमाडौँ । आइसीसी क्रिकेट वर्ल्ड कप लिग टु अन्तरगत एक दिवसीय खेलमा ओमानले नेपालसामु एक सय ९८ रनको लक्ष्य प्रस्तुत गरेको छ । टियु क्रिकेट मैदानमा जारी खेलमा टस जितेर नेपालले फिल्डिङ रोजेपछि ओमानले व्याटिङ गरेको थियो ।   

ओमानले निर्धारित ५० ओभरमा ९ विकेट गुमाएर १ सय ९७ रन बनाएको हो ।   

ओमानका लागि मोहम्मद नदीमले अद्र्धशतकीय पारी खेले । उनले ६९ रन बनाए । त्यस अतिरिक्त सन्दीप गौडले ३३, मुहम्मद नसिमले २८, जसिम मकसुदले २० र अकिब इल्यासले १६ रन बनाए । 

नेपालका सर्वाधिक किरण केसीले चार विकेट लिए भने सुशन भारीले ३ विकेट लिए उनले १० ओभरमा १४ रनमात्र खर्चिए । त्यस्तै दीपेन्द्रसिंह ऐरीले एक विकेट हात पारे । 

केहीबेरमा नेपालले व्यटिङ गर्नेछ ।   

एकदिवसीय मान्यता पाइसकेपछि नेपालले पहिलोपटक घरेलु मैदानमा सिरिज खेल्दैछ । नेपालले कीर्तिपुरमा ओमानसँग खेल्दै उक्त सिरिजको शुरुआत गरेको छ । यसैबाट सन् २०२३ मा हुने विश्वकपको यात्रा नेपालले थालनी गर्दैछ ।   

ओमान सन् २०१२ पछि नेपाल खेल्न आएको छ । सन् २०१३ यता नेपालले उसलाई हराउन सकेको छैन । घरेलु मैदानको फाइदा लिँदै ओमानलाई हराउने दाउमा नेपाल रहेको छ । नेपालले शनिबार अर्को टोली अमेरिकासँग खेल्दैछ । अमेरिका सन् २०१० पछि नेपाल आएको हो ।