ब्राजिलमा बाढी र पहिरोः ३० जनाको मृत्यु, १७ बेपत्ता

माघ १२, काठमाडौं । दक्षिणपूर्वी ब्राजिलमा बाढी र पहिरोमा परि ३० जनाको मृत्यु भएको छ भने १७ जना बेपत्ता छन् ।   

पछिल्लो दुई दिनदेखि जारी भारी वर्षापछि आएको बाढी र पहिरोको जोखिममा रहेका साढे तीन हजार मानिसहरुलाई सुरक्षित स्थानमा सारिएको छ ।   

पहिलो दिन मृत्यु हुनेको संख्या ११ थियो । शनिबार यो आँकडा बढेर ३० पुगेको हो । पहिरोले थुप्रै भवनहरु समेत भत्काएको छ ।   

राजधानी बेलो हरिजोन्टेमा सबैभन्दा बढीको मृत्यु भयो । मौसम विभागका अनुसार यो शहरमा शुक्रबार पछिल्लो १ सय १० वर्षको वर्षाको रेकर्ड तोडेको छ । पछिल्लो २४ घण्टामा १७१.८ मिलिमिटर वर्षा मापन गरिएको छ ।