यी टिप्स अपनाई मज्जाले हिउँ खेलौँ
पुस २३, काठमाडौँ । अहिले चिसो बढेसँगै अहिले देशको बिभिन्न स्थानमा हिउँ पर्नुकाे साथै हिउँ खेल्न जानेहरुको ओईरो लागेको छ । धेरै मानिस यस मौसममा हिउँ खेल्न रुचाउने हुन्छन् । हिउँ खेल्न जाँदा हिउँमा फोटो खिच्ने, भिडियो बनाउने, मानिसको कमी छैन ।
यस मौसममा हिउँ खेल्न जाँदा धेरैै मानिसहरु बिरामी पनि पर्ने हुन्छन् । हिउँ खेल्न जाँदा केही सर्तकता अपनाउनु पर्ने हुन्छन । हिउँ खेल्दा आफूसँगै आफ्नो सामानकाे सुरक्षा कसरी गर्न सकिन्छ त्यसबारे केही टिप्स तल दिईएको छ । यी टिप्सको प्रहयोग गर्नुहोस् र मज्जाले हिउँ खेल्नुहोस् ।
यसरी आफ्नो र सामानको सुरक्षा गर्नुहोस् ।
– बाक्ला कपडा, जुत्ता, मोजा, छाता, मफलर र पञ्जा जस्ता सामाग्रीहरु बोक्न नबिर्सिनुस् ।
– चिसो नछिर्ने कपडा लगाउनुहोस् पसलमा हिउँ खेल्दा लगाउने ज्याकेटहरु पनि पाईन्छ ।
– हिउँ खेल्न जाने मानिसहरुले नचिप्लने जुत्ता लगाएर जानुहोस् ।
– हिउँ खेल्न आफ्ना साथीभाईसँगै मिलेर जानुहोस् । किनभने चिसोका कारण तपाईलाई केहि भइहाले पनि स्याहार गर्ने अर्को कोहि होस् ।
– हिउँ खेल्ने क्रममा कुनै अनैतिक, असामाजिक र बेपर्वाह किसीमले नखेलौँ ।
– आफ्नो साथमा खानेकुराहरु बोकेर जानुस् । जुन खानेकुराले तपाईको शरिर न्यानो पारोस् ।
– धेरै जाडो भयो भन्दैमा धेरै तातो खानेकुरा नखानुहोस् ।
– हिउँ खेल्दा आफ्नो साथीबीचमा मात्र खेलौँ । कोहीकसैलाई, अपरीचित मान्छेलाई वा जिस्कने वहानामा गरेको क्रियाकलापले ठूलो क्षति निम्त्याउन सकछ ।
– चिसोबाट बच्ने लोसनर क्रिमहरुको प्रयोग गर्नुहोस् ।
– एकैपटकमा धेरै हिउँ खेल्ने कार्य नगर्नुहोस् ।
– सकेसम्म पहिलोपल्ट अनुभवी मान्छेको साथमा जानुहोस् ।
– अत्याधिक चिसोका कारण तपाईको मोबाईलमा सम्पर्क नहुन सक्छ । परिवारसँग सम्पर्कमा रहने उपाय निकाल्नुहोस् ।
– हिउँ खेल्न जाँदा महँगा ज्वेलरी प्रयोग नगर्नुहोस् ।– आफ्नो डिभाईसहरु, मोबाईल, चार्जर, क्यामेराको पनि जतन गर्नुहोस् ।
– चिसोमा खेलिसकेपछि अचानक तातोमा नबस्नुहोस् । केहि बिस्तारै तातो बनाउनु राम्रो हुन्छ ।