टिपरको ठक्करबाट ४ वर्षीया बालिकाको मृत्यु

मंसिर १७, काठमाडौँ । मंगलबार मोरङमा टिपरको ठक्करबाट एक चार वर्षिय बालिकाको मृत्यु भएको छ ।   

ना ८ ख ७०५३ नं. को उक्त टिपरले ठक्कर बाट मोरङको उर्लाबारी नगरपालिका वडा नं.  ५ डुम्राहाकी ४ वर्षीया बालिका राधिका कुमारी मण्डलको मृत्यु  भएको हो । 

हाल उनलाई ठक्कर दिने  टिपर र  मोरङको रतुवामाई नगरपालिका वडा नं. ५ बस्ने ३० वर्षीय चालक आशिष कठेतलाई नियन्त्रणमा लिई सकिएको प्रहरीले जनाएको छ । 

प्रहरीका अनुसार उक्त टिपरले बालिकालाई डुम्राहाको भित्री सडकमा हिँडिरहेको अवस्थामा ठक्कर दिएको थियो । पक्राउ परेका चालकमाथी कारवाहीको लागि अनुसन्धान भईरहेको प्रहरीले जनाएको छ ।