ट्रकले मोटरसाइकललाई ठक्कर दिँदा २ जनाको मृत्यु
मकालु खबर २०७६ भदौ १७ गते
भदौ १७, दाङ । दाङमा सवारी दुर्घटना हुँदा २ जनाको मृत्यु भएको छ ।
पूर्व पश्चिम राजमार्गअन्तर्गत लमही भालुवाङ सडक खण्डको पिपरीमा लु१९प ५५०६ र रा३प २०६१ नम्बरको मोटरसाइकल एक आपसमा ठोक्किए लगतै पश्चिमबाट पूर्वतर्फ गइरहेको ना६ख ६७७४ नम्बरको ट्रकले ठक्कर दिँदा २ जनाको मृत्यु भएको हो ।
दुर्घटनामा परी घोराही–१५ निवासी २६ वर्षीय बालकृष्ण भण्डारी र लमही–४ निवासी २७ वर्षीय विनायक चौधरीको मृत्यु भएको हो ।
घाइते दुवैको लमही अस्पतालमा उपचारका क्रममा मृत्यु भएको इलाका प्रहरी कार्यालय भालुवाङले जानकारी दिएको छ ।
ट्रक र चालक प्रहरी नियन्त्रणमा लिइ अनुसन्धान भइरहेको प्रहरीले जनाएको छ ।
मकालु खबर २०७६ भदौ १७ गते
प्रतिक्रिया
सम्बन्धित
