कांग्रेस र राजपाको अवराेधपछि संसद बैठक स्थगित
साउन १५, काठमाडौं । प्रतिनिधि सभाको बुधबारको बैठक पनि स्थगित भएको छ ।
विपक्षी दल राष्ट्रिय जनता पार्टी (राजपा) र नेपाली कांग्रेसले नाराबाजी गरी अवरोध सिर्जना गरेपछि बैठक स्थगित भएको हो ।
null
प्रतिनिधि सभाको बैठक शुरु हुनासाथ विप्लव नेकपाका सर्लाही जिल्ला इन्चार्ज कुमार पौडेलको हत्याको विषयलाई लिएर विपक्षीले संसद अवरुद्ध गरेका हुन् ।
विरोधबारे सरकार र आफूलाई जानकारी भइसकेको पटक पटक बसिदिन आग्रह गर्दा पनि राजपा र कांग्रेस सांसदहरुले राजपाले बेल घेराउ गरी नाराबाजी जारी राखेपछि सभामुख महराले बैठक स्थगित गरेका हुन् ।
यसअघि आइतबार पनि विपक्षी सांसदहरुले करिब ४० मिनेटसम्म नाराबाजी गरेर संसद चल्न दिएका थिएनन् । त्यसपछि साे बैठक पनि स्थगित भएकाे थियाे ।
सर्लाहीमा प्रहरीको गोली लागी २ नागरिकको हत्या भएको विषयमा छानविनका लागि संसदीय समिति गठन गर्नुपर्ने उनीहरुको माग छ । माग पुरा नभएसम्म संसद चल्न नदिने प्रतिपक्षीकाे चेतावनी छ ।