जापानमा आगलागीमा परी ११ व्यक्ति मृत्यु

काठमाडौं, माघ १८ । उत्तरी जापानमा बृद्धाश्रम रहेको एक भवनमा भएको आगलागीमा परी ११ जनाको मृत्यु भएको छ । आगो नियन्त्रणमा लिन कैयौँ अग्निनियन्त्रक यन्त्रले प्रयास गरिरहेको स्थानीय टेलिभिजनका फुटेजमा देखाइएको छ ।

न्युन आय भएका व्यक्तिको लागि बनाइएको बृद्धाश्रममा अकस्मात आगलागी सुरु भएको र त्यसमा परी ११ जनाको मृत्यु भएको प्रहरीले जानकारी दिएको छ ।

स्थानीय संगठनको सहयोगमा सञ्चालनमा रहेका १६ वटा बृद्धाश्रम राखिएका आवासीय भवनमध्ये एकबाट सुरु भएको आगलागीमा परी आठ जना पुरुष र तीन महिलको मृत्यु भएको थियो ।

आगलागी गएराति स्थानीय समयाअनुसार करिब पौने १२ बजे सुरु भएको बताइएको छ ।