कोईराला परिवारका तीन प्रभावशाली नेताको ‘अर्थपुर्ण’ भेट

काठमाडौं, माघ २ । नेपाली कांग्रेसका महामन्त्री डा. शशांक कोइरालासहित कोइराला परिवारका ३ प्रभावशाली नेताबीच आज भेटवार्ता भएको छ ।

पार्टी केन्द्रीय सदस्य सुजाता कोइरालाको निवास मण्डिखाटारमा भएको भेटमा शशांक कोइराला र डा. शेखर कोइराला सहभागी थिए ।

भेटलाई पारिवारिक जमघट भनिए पनि वर्तमान राजनीतिक अवस्था, निर्वाचनमा पार्टीले भोगेको पराजय र भावी रणनीतिका विषयमा छलफल भएको बताइएको छ ।कांग्रेसमा बलियो राजनीतिक विरासत बोकेको कोइराला परिवारका ३ प्रभावशाली नेताबीचको भेटलाई अर्थपूर्ण रुपमा हेरिएको छ ।