आजबाट काठमाडौं–तुल्सीपुर उडान सुरु

काठमाडौं, पुस २३ । काठमाडौं–दाङ तुल्सीपुरमा आजबाट हवाई उडान सुरु भएको छ । पहिलो यात्रुका रूपमा बिनाबिभागियमन्त्री कृष्णबहादुर महराले यात्रा गरेका थिए ।

लामो समयदेखि अवरुद्ध भएको दाङको हवाईसेवा पुनः सञ्चालन भएको हो । आइतबारदेखि समिट एयरले तुलसीपुरदेखि काठमाडौँका लागि हप्तामा दुईपटक उडान भर्ने सहमति जनाएको छ ।

तुलसीपुर उपमहानगरपालिकाका प्रमुख घनश्याम पाण्डेय र यस क्षेत्रका जनप्रतिनिधिको पहलमा अवरुद्ध हवाई सेवा सञ्चालनका लागि पहल गरिएको हो ।