‘नेकपा’ को सचिवालयमा शर्मा र रावललाई थप्ने तयारी

“

काठमाडौं, जेठ ८ । नवगठित नेपाल कम्युनिष्ट पार्टीको सचिवालय (हाइकमाण्ड)मा दुई जना सदस्य थप गर्ने तयारी भएको छ । तत्कालीन एमाले र माओवादी केन्द्रका तर्फबाट एक–एक जना थप्ने तयारी भएको हो । नौ सदस्यीय सचिवालयमा दुई जना थपगरी ११ सदस्यीय बनाउने तयारी भएको हो ।

दुई पार्टीबीच एकताको गृहकार्य गरेका जनार्दन शर्मा र तत्कालीन एमालेका उपाध्यक्ष भीम रावललाई सचिवालयमा थप्ने तयारी भइरहेको बुझिएको छ । रावलले आफूलाई सचिवालयमा नपारिएको प्रति आक्रोश व्यक्त गर्दै आएका छन् । ‘सचिवालयमा दुईजना सदस्य थप्ने तयारी रहेको बताईएको छ ।

पार्टी एकता हुनुपूर्व रावल एमालेमा माधवकुमार नेपाल समूहको प्रतिनिधित्व गर्दै बैठकहरूमा सहभागी हुने गरेका थिए ।

“