यती कार्पेटमा आगलागी हुदा डेढ अर्ब भन्दा बढीको क्षति

भक्तपुर, असार ४ – भक्तपुर नगरपालिका–२ सल्लाघारी स्थित यती कार्पेट इन्डस्ट्रिजमा गए रातिदेखि लागेको आगलागीबाट डेढ अर्ब रुपैयाँ भन्दा बढीको क्षति भएको छ । राति साढे ११ बजेदेखि सुरु भएको आगलागी भक्तपुर वारुण यन्त्र, नेपाल प्रहरी, नेपाली सेना, सशस्त्र प्रहरी तथा काठमाडैा र ललितपुरका आठ दमकलबाट आठ घन्टापछि बिहान साढे ७ बजे नियन्त्रणमा आएको हो । आगलागीबाट एक अर्ब ५० करोड रुपैयाँ भन्दा बढीको सामग्री क्षति भएको प्रारम्भिक अनुमान गरिएको उद्योगका व्यवस्थापक धर्मेन्द्र यादवले जानकारी दिनुभयो ।