श्रीमानले गरे आफ्नै श्रीमतीको हत्या

“

दमक, चैत १९ । झापामा एक श्रीमानले आफ्नै श्रीमतीको हत्या गरेका छन् । झापाको गौरीगञ्जमा काठको मुढाले टाउकामा हिर्काएर श्रीमानले आफ्नै श्रीमतीको हत्या गरेका हुन् ।

गौरीगञ्ज गाउँपालिका–३ दन्तकालीका ३० वर्षीय पासाङ शेर्पाले २८ वर्षीया श्रीमती निमथोकी शेर्पाको मुढाले हिर्काएर हत्या गरेको जिल्ला प्रहरी कार्यालयले जनाएको छ ।

गएराति घरायसी विवाद हुँदा पासाङले श्रीमतीलाई कुटपिट गर्दै काठको मुढाले टाउकामा प्रहार गरी गम्भीर घाइते बनाएका थिए ।

घाइते निमाथोकीको उपचारका क्रममा दमकस्थित लाइफलाइन अस्पतालमा गएराति नै मृत्यु भएको प्रहरीले जनाएको छ । पासाङलाई इलाका प्रहरी कार्यालय गौरीगञ्जले नियन्त्रणमा लिई अनुसन्धान भइरहेको प्रहरीले जनाएको छ ।

“