फेरी बालिका बलात्कृत
मकालु खबर
२०७४ जेठ १५ गते
“
जाजरकोट, चैत १८ । जुनीचाँदे गाउँपालिका-२, छहरे खोलास्थित घट्टमा गहुँ पिस्न गएकी १३ वर्षीया बालिका बलात्कृत भएकी छन् । स्थानीय २७ वर्षीय इन्द्रबहादुर गिरीमाथि बालिका बलात्कार गरेको आरोप लागेको छ ।
मध्यराति १२ बजे घट्टभित्र एक्लै रहेकी बालिकाको मुखमा टोपीको बुझो लगाएर गिरीले जबर्जस्ती करणी गरेको उजुरी परेको प्रहरी निरीक्षक रमेश अवस्थीले जानकारी दिए । बलात्कृत बालिकालाई स्वास्थ्य परीक्षण तथा उपचारका लागि जिल्ला अस्पताल जाजरकोट पुऱ्याइएको छ ।
बलात्कार आरोपी गिरीलाई नियन्त्रणमा लिएर उनीविरुद्ध जबर्जस्तीकरणीको मुद्दा दर्ता भएको र घटनाबारे आवश्यक अनुसन्धान भइरहको प्रहरी निरीक्षक अवस्थीले बताए ।
“
मकालु खबर
२०७४ जेठ १५ गते
प्रतिक्रिया
सम्बन्धित