पर्यटन बोर्डका सिइयोलाई ७ वर्ष जेल, ८० लाख जरिवाना

काठमाडौं, फागुन १० । नेपाल पर्यटन बोर्डका तत्कालीन कार्यकारी अधिकृत सुवास निरौलाले भ्रष्टाचार गरेको विशेष अदालतले ठहर गरेको छ । विशेष अदालतले निरौलासहित ३ जनालाई भ्रष्टाचारी ठहर गर्दै कैद र जरिवाना सुनाएको छ।

विहिबार विषेशका अध्यक्ष न्यायाधीश बाबुराम रेग्मी, सदस्य न्यायाधीशहरु द्वारिकामान जोशी र नारायण कुमार पोखरेलको इजलासले उनीहरुले भ्रष्टाचार गरेको ठहर गरेको हो ।

निरौलालाई ७ वर्ष कैद र ८० लाख ५१ हजार ३ सय ६२ जरिवाना सुनाएको छ। अख्तियारले उनलाई फर्जी टिकट पेश गरेर भुक्तानी लिएको, मरिदा खरिदको नक्कली विल पेश गरेर भुक्तानी लिएको लगायतका काम गरि ३३ करोड ७२ लाख अनियमितता गरेको अभियोग लगाउँदै तीनवर्ष पहिले विषेशमा मुद्दा दायर गरेको थियो।

त्यस्तै, पर्यटन बोर्डका तत्कालिन लेखा अधिकृत अनिलकुमार दासलाई ६ वर्ष कैद र ५० लाख २९ हजार जरिवाना सुनाएको छ। त्यस्तै विषेशले  एसियन ट्राभल्स एण्ड टुर्सका महेन्द्र खनाललाई १ लाख ५४ हजार विगो र त्यति नै जरिवाना गरेको छ। उनलाई कैद सजाय भने सुनाएन।

यो मुद्दाका २३  मध्ये २० प्रतिवादीलाई विषेशले सफाई दिएको छ। अख्तियारले पूर्व सिइओ प्रचण्डमान श्रेष्ठ, पूर्वपर्यटन सचिव सुशील घिमिरे, पूर्व वन सचिव  शरदचन्द्र पौडेललगायतलाई यो मुद्दामा प्रतिवादी बनाएको थियो। तर उनीहरुलाई विषेशले सफाइ दिएको छ।”

प्रतिक्रिया

Leave a Reply

Your email address will not be published. Required fields are marked *