गजल
मकालु खबर
२०७४ जेठ १५ गते
”
तिमीसँग विछोडको पल नआवस्
अडिग रहोस् प्रेम हलचल नआओस्
वितृष्णा छ भने कतै मेरो मायामा
घरीघरी फोनमा मिस्कल नआवस्
जुनीभरी लगाउने नै हो भने माया
दुनियाँमा कुनै दिन छल नआवस्
छताछुल्ल र भताभुङ्ग होस् संसार बरु
तिमी र मबिच कुनै खलबल नआवस्
मौलाउँदै जाउन् ममताका पुष्पहरु
अविश्वास पलाउँदै हलचल नआवस्
तिर्खा मेट्न पाउँ हृदयको सवारीले
त्यहाँ वितृष्णाको जलमल नआवस् ।“
मकालु खबर
२०७४ जेठ १५ गते
प्रतिक्रिया
सम्बन्धित