‘अब इतिहास पढेर भविष्य बन्नेवाला छैन’

उच्च शिक्षाका लागि बाहिर जाने विद्यार्थीलाई लक्षित गरेर क्याम्ब्रिज इन्ष्टिच्युट अफ टेक्नोलोजीले देशका विभिन्न शहरहरुमा एजुकेशन सेमिनारकोे गरिरहेको छ ।
एसइई तथा प्लस टू पछि अध्ययन सकेपछि उच्च शिक्षा हासिल गर्न भारत तथा अष्ट्रेलिया जान चाहने विद्यार्थीलाई भारत र अष्ट्रेलियाका विभिन्न विश्वविद्यालय, कलेजका बारेमा जानकारी दिनका लागि सेमिनार गरिएको बताईएको छ । ५ दिनसम्म चल्ने सेमिनार विर्तामोड, दमक, विराटचौक, इटहरी, विराटनगर र धरानमा हुनेछ । एजुकेशन सेमिनारका विषयमा क्याम्ब्रिज इन्ष्टिच्युट अफ टेक्नोलोजीका संस्थापक निर्देशक शिशिर सिंखडासँग गरिएको कुराकानीको संक्षेपः

शैक्षिक सेमिनार गर्नुको उद्देश्य के हो ?

एसइई तथा प्लस टू उत्तिर्ण गरिसकेका विद्यार्थी र तिनका अभिभावकको मनोभावनालाई बुझेर उनीहरुको शैक्षिक योग्यता अनुसार भोलीको करियर कहाँ लैजाने र कस्ता विषय अध्ययन गर्दा राम्रो हुन्छ भनेर काउन्सेलिङ गर्नका लागि एजुकेशन सेमिनार गरेका हौं । जो विद्यार्थीले एसइई तथा प्लस टू उत्तिर्ण गरेपछि अष्ट्रेलिया र भारत गएर उच्च शिक्षा हासिल गर्छु भनेर सोच बनाएको हुन्छ, उनीहरुलाई सहि काउन्सेलिङ गर्न सेमिनार गरिएको हो ।

एजुकेशन सेमिनारबाट विद्यार्थीले पाउने सेवा केके हुन् ?

यो सेमिनारबाट विद्यार्थीले आफ्नो योग्यता अनुसार कुन विषय अध्ययन गर्दा हुन्छ र कुन विषय अध्ययन गर्न सक्छु भन्ने विषयमा विज्ञबाट परामर्श पाउँछन् । त्यसपछि जो Abroad Study मा जान चाहन्छन् उनीहरुले भारत र अष्ट्रेलियामा रहेका उत्कृष्ठ विश्वविद्यालय, कलेजका बारेमा जानकारी पाउँछन् । यसका अलावा कलेजमा भर्ना हुने प्रक्रिया, भिजा प्रक्रिया तथा भारतमा पढाईहुने विषयहरुका बारेमा जानकारी पाउँछन् । सेमिनारमा आएका भारतीय कलेजले नेपाली विद्यार्थीका लागि ५० प्रतिशतसम्म छात्रबृत्तिको ब्यवस्था गरेका छन् । कतिले अन द स्पट भर्ना पनि गर्छन् ।

नेपालमै गुणस्तरीय शिक्षा हुँदाहुँदै पढ्नकै लागि मात्र किन विदेश जाने ?

नेपालको शिक्षा गुणस्तरीय छैन भनेर हामीले विद्यार्थीलाई बाहिर जानुपर्छ भनेर कहिल्लै भनेका छैनौं । नेपालको शिक्षा गुणस्तरीय नै भएकोले धेरै नेपाली विद्यार्थीहरु विश्वका उत्कृष्ठ शिक्षा भएका देशका विद्यार्थीसँग प्रतिष्पर्धा गर्न सक्छन् ।
Abroad Study मा जानु भनेको विद्यार्थीले शिक्षासँगै आफ्नो करियर उज्वल बनाउनु पनि हो । विदेशको शिक्षा प्रयोगात्मक र सिपयुक्त हुन्छ । अब नेपाली विद्यार्थीले इतिहास पढेर भविष्य बन्नेवाला छैन । त्यहाँ शिक्षा हासिल गर्दैगर्दा करियर निर्माणका राम्रा अवसर पाइन्छ । विदेशमा प्राप्त गरेको शिक्षाले देशका लागि राम्रो काम गर्न सकिन्छ । त्यस कारण Abroad Study मा जान आवश्यक छ । पिआर लिएर विदेशमै सेटल हुने सोच राख्नु भन्दापनि त्यहाँ पाएको ज्ञान सिपलाई आफ्नै जन्मभूमिका लागि प्रयोग गर्छू भन्ने अठोट लिन आवश्यक छ ।

भारतमा के कस्ता विषयहरु अध्ययन गर्दा विद्यार्थीको करियर राम्रो बन्छ ?

भारतमा नेपाल विद्यार्थीहरुले जुनसुकै विषयपनि अध्ययन गर्न सक्छन् । Abroad Study  मा भारत जाने विद्यार्थीले प्राविधिक ज्ञान सहितको शिक्षालाई प्राथमिकता दिनुपर्छ । एसइई तथा प्लस टू उत्तीर्ण गरेका विद्यार्थीहरुको ग्रेडिंगका आधारमा विषय छनौट गर्न सकिन्छ । एसइई पछि प्लस टु र ब्याचलर तहका विभिन्न विषय अध्ययन गर्न सकिन्छ ।  नर्सिङ, इन्जिनियरिङ, म्यानेजमेण्ट, पत्रकारिता, होटल मेनेजमेण्ट, फेसन डिजाइनिङ, आर्किटेक्टर, एग्रिकल्चर, विइ, विटेक, प्लस टु पछि विविए विथ एभिएसन, साइवर सेक्युरिटी एण्ड क्लाउड जस्ता विषय अध्ययन गर्न सकिन्छ ।

क्याम्ब्रिजले भारतका कस्ता कलेजका लागि काम गर्छ ?

हामीसँग भारतका उत्कृष्ठ कलेजहरु रहेका छन् । वर्षौदेखि शिक्षा क्षेत्रमा रहेका भारतका अग्रणी शिक्षाविद्हरुले सञ्चालन गरेका तथा विश्वब्यापी मान्यता पाएका कलेजहरु छन् ।
भारतका एपी गोयल सिमला युनिभर्सिटी, ग्रीनहीलन ग्रुप अफ इन्स्टिच्युट, आइइटी भदल टेक्निकल क्याम्पस, गौतम मेडिकल कलेज, एसजेइएस म्यानेजमेन्ट कलेज जस्ता प्रतिष्ठित कलेजका लागि काम गर्दछौं ।

भारतका कतिपय कलेजले विद्यार्थी ठगे भन्ने कुरा छ, विद्यार्थी अभिभावक कसरी सजग रहने ?

विगतमा भारतका केहि विश्वविद्यालय र कलेजका कारण नेपाली विद्यार्थीलाई समस्या आएको थियो । नेपालमा आधिकारिक कुनै प्रतिनिधी नराखेका, लुकिछिपी नेपाल आएर होटलहरुमा गोप्य सेमिनार गर्ने कलेजहरुका विषयमा विद्यार्थी अभिभावक सजग हुनु पर्छ ।
भारत जाने विद्यार्थी अभिभावकले आफु कुन कलेजमा जाँदैछु, त्यो कलेज कत्तिको आधिकारिक हो, त्यसको इतिहास के छ, नेपाली विद्यार्थी पढेका छन् की छैनन् ? कलेजको शुल्क कस्तो छ, नेपालमा आधिकारिक परामर्शदाता छ की छैन, पाठ्यक्रम के कस्तो छ, होष्टल, सुरक्षा यावत् विषयमा जानकारी लिन आवश्यक छ ।

सेमिनारमा आउने विद्यार्थीलाई के भन्नुहुन्छ ?

हामीकहाँ सेमिनार भन्ने वित्तिकै विद्यार्थी भेला पार्ने र विदेश पढ्न जानुपर्छ भन्ने गलत बुझाई छ । एसइई पछिको उच्च शिक्षाका लागि भारत र अष्ट्रेलिया जान चाहने विद्यार्थीको करियर निर्माणका लागि यस्ता सेमिनार अत्यन्त उपयोगी हुन्छन् । उच्च शिक्षा कहाँ कसरी पढ्ने, कस्ता कलेज राम्रा, आफ्नो विषय र रुचि अनुसार आफ्नो करियर कहाँ राम्रो बनाउन सकिन्छ भन्ने जानकारी यस्ता सेमिनारबाट पाईने हुँदा विद्यार्थी र अभिभावकका लागि अत्यन्त उपयोगी हुन्छन् । सेमिनारमा सहभागी बनेर शैक्षिक लाभ लिउँ भन्दछु ।