सङ्खुवासभा पनि मा बाम गठबन्धनले जित्यो

“

सङ्खुवासभा, मंसिर २६ । १ प्रतिनिधी सभा र २ प्रदेशसभा निर्वाचन क्षेत्र रहेको सङ्खुवासभामा तीन वटै क्षेत्रमा बाम गठबन्धनका उमेदवारहरु निर्वाचित भएका छन् । प्रतिनिधीसभा तर्फका उमेदवार नेकपा एमालेका राजेन्द्र गौतमले ३२ हजार सात सय ६९ मत प्राप्त गर्दै विजेता बन्नुभएको छ भने उहाँका निकटतम प्रतिस्पर्धी नेपाली कांग्रेसका दीपक खड्काले ३१ हजार ६ सय ३९ मत प्राप्त गर्नुभएको छ ।

त्यस्तै, प्रदेश सभा (क) मा बाम गठबन्धनका तर्फबाट माओवादी केन्द्रका उमेदवार पूर्णप्रसाद राईले १६ हजार ६ सय ७७ मत ल्याएर विजेता बन्नुभएको छ । उहाँको निकटतम प्रतिस्पर्धी नेपाली कांग्रेसका टंकप्रसाद राईले १४ हजार ६ सय ३२ मत प्राप्त गर्नुभयो ।

प्रदेश सभा (ख) मा बाम गठबन्धनका तर्फबाट नेकपा एमालेका तुलसी गौतमले १७ हजार पाँच सय १४ मत प्राप्त गर्दै निर्वाचित हुनुभएको हो । उहाँका निकट्तम प्रतिस्पर्धी दिपककुमार लिम्बुले १६ हजार एक सय ४० मत प्राप्त गर्नुभएको छ । संखुवासभामा समानुपातिक तर्फको मतगणना भने अहिले बिहान १० बजेबाट गर्ने तयारी भइरहेको छ ।

“