भक्तपुर जिल्ला प्रशासन कार्यालयमा सानिमाको एक्सटेन्सन काउन्टर

“

मङ्सिर ५, काठमाडाैं । सानिमा बैङ्क लिमिटेडले आफ्नो पहिलो एक्सटेन्सन काउन्टर भक्तपुर जिल्ला प्रशासन कार्यालयमा खोलेको छ । यस काउन्टरबाट भक्तपुर जिल्ला प्रशासन कार्यालयले राजस्व सङ्कलन गर्ने छ ।

उक्त काउन्टरको समुद्घाटन भक्तपुर जिल्लाका प्रमुख जिल्ला अधिकृत द्रोणा पोखरेल तथा सानिमा बैङ्कका प्रमुख कार्यकारी अधिकृत भुवन दाहालद्वारा संयुक्त रूपमा गरिएकाे थियाे ।

हाल सानिमा बैंककाे मेचीदेखि महाकालीसम्म ४७ वटा शाखा सञ्जाल तथा ५३ वटा ए.टि.एम रहेका छन् ।

“