एएफसी एसियन कप छनाेट: नेपाल बराबरीमा रोकियाे

“

कार्तिक २८, काठमाडाैं । एएफसी एसियन कप छनाेट चरण अन्तर्गत नेपालले बलियो टाेली फिलिपिन्सलाई गोल रहित बराबरीमा रोकेको छ । ललितपुरको एन्फा कम्प्लेक्समा भएको खेलमा नेपालले फिलिपिन्सलार्इ गोलरहित बराबरी रोकेको हो ।

समूह ए को शीर्षस्थानमा रहेको फिलिपिन्स आजको खेलपछि ९ अङ्कसहित शीर्ष स्थानमा कायमै छ भने नेपालको २ अङ्क भएको छ । नेपाल र फिलिपिन्स दुवैले केही गोल गर्ने राम्रा अवसर खेल फालेका थिए । यस अघि पहिलो खेलमा नेपाल फिलिपिन्सको घरेलु मैदानमा ४–१ ले पराजित भएको थियो ।

यही खेलमार्फत अन्तर्राष्ट्रिय खेल जीवनबाट सन्यासको घोषणा गरेका अनिल गुरुङको बिदाइ सुखद रह्यो । छनोटमा खेलेका यसअघिका ४ खेलमा नेपालले राम्राे प्रदर्शन गर्न सकेकाे थिएन ।

याे खेलसँग अङ्क तालिकामा फिलिपन्सको ९ अङ्क भएकाे छ भने यमन र ताजकिस्तानको समान ६ अङ्क रहेको छ । प्रतियाेगितामा नेपाल यस अघि नै बाहिरिसकेकाे थियाे ।

“