स्पेनमा राजा फेलिपेले स्वतन्त्र भूमिका खेल्न नसकेको नेताहरुको आरोप
![](https://www.makalukhabar.com/wp-content/uploads/2023/10/Final-icon-Logo-2023.png)
![](https://www.makalukhabar.com/wp-content/uploads/2021/01/nophoto.png)
“
काठमाडौं, असोज १९ । राजा फेलिपे छैठौंले सुनियोजित ढंगले लाखौं क्याटलन जनताको बेवास्ता र अपमान गरेको आरोप स्पेनका स्वतन्त्र क्याटालोनिया पक्षधर नेताहरुले लगाएका छन् ।
संवैधानिक रुपमा मध्यस्थकर्ताको भूमिका निभाउन छोडेर राजाले स्पेनिस सरकारको पक्षपोषण गरेको आरोप स्वतन्त्रता पक्षधर नेता कार्लोस पुईगदोमेन्टले लगाए ।
केन्द्रीय सरकारको विरोधकै बीच क्याटालोनियामा आफ्नै ढंगले गराइएको जनमत संग्रहमा स्वतन्त्रता पक्षधरले जितेपछि केन्द्र र राज्य सरकारबीचको सम्बन्ध तिक्त बन्दै गएको छ ।
यस्तो अवस्थामा तटस्थ भूमिकामा रहेर मध्यस्थता गर्नुपर्ने राजा नै एउटा पक्षलाई बोकेर हिड्नु सिंगो स्पेनकै लागि दूर्भाग्य हुने चेतावनी नेता पुईगदोमेन्टले दिए ।
स्पेन सरकारले हालै गराइएको जनमत संग्रहलाई असंवैधानिक र गैरकाननूनी भनिरहँदा क्याट्लन नेताहरु भने एक साताभित्र अलग राज्य घोषणा गर्ने धम्की दिईरहेका छन् । (एजेन्सी)
“
![](https://www.makalukhabar.com/wp-content/uploads/2023/10/Final-icon-Logo-2023.png)