नेप्सेमा सुधार, कारोबार न्यून

“

काठमाडौं, असोज ९ । पछिल्ला दिन ओरालो लाग्दै रहेको सेयर बजारमा सोमबार सुधार आयो । नेप्सेमा सुधार आएपनि कारोबार भने न्यून रह्यो ।

उतार–चढावबीच बजार परिसूचक नेप्से ९ अंक बराबरले उकालो लागेर १५ सय ४५ कायम हुन पुग्यो ।

व्यापारमूलक र होटलबाहेक अरु समूह सकारात्मक रहे । जलविद्युत् समूह सबैभन्दा उच्च २१ अंकले उकालो लाग्यो । बिमा र वाणिज्य बैंक समूह पनि दोहोरो अंकले उकालो लागे । अरु समूह सामान्य अंकले हरियो रहे ।

व्यापारमूलक समूह २३ अंकले र होटल समूह ८ अंकले ओरालो लागे ।

यसदिन नेपाल स्टक एक्सचेन्जमा १५४ कम्पनीका ६ लाख ३२ हजार कित्ता सेयर जम्मा २८ करोड रुपैयाँ बराबरमा किनबेच भएको एक्सचेन्जले जनाएको छ ।

 “