रौतहटको गरुडामा एक युवकले पेट्रोल छर्केर गरे आत्मदाह प्रयास
मकालु खबर २०८३ असार ३१ गते
काठमाडौँ । रौतहटको गरुडामा एक युवकले आफ्नै शरीरमा पेट्रोल छर्केर आत्मदाह प्रयास गरेका छन् ।
गरुडा नगरपालिका वडा नं. ९ गम्हरियाका २८ वर्षीय गौतमकुमार सहनीले पेट्रोल छर्केर आत्मदाह प्रयास गरेका हुन् ।
सहनीले मंगलबार राति करिब १ बजे आफ्नै शरीरमा पेट्रोल छर्केर आगो लगाएको प्रहरीले जनाएको छ ।
जलेर घाइते भएका उनको ३१ प्रतिशत शरीर जलेको छ । थप उपचारका लागि काठमाडौँको कीर्तिपुर बर्न अस्पताल रिफर गरिएको छ ।
घटनाबारे थप अनुसन्धान भइरहेको प्रहरीले जनाएको छ ।
मकालु खबर २०८३ असार ३१ गते
प्रतिक्रिया
सम्बन्धित
