चुरे संरक्षणको मागसहित माइतीघरमा प्रदर्शन (तस्बिरहरू)
२०८२ चैत २६ गते
काठमाडौं । चुरे तथा वनजंगल संरक्षण अभियान नेपालले चुरे क्षेत्रको संरक्षणका लागि सरकारको ध्यानाकर्षण गराउँदै अवैध अतिक्रमण हटाउन, ढुङ्गा–गिट्टी–बालुवाको उत्खनन रोक्न र अवैध क्रसर उद्योग बन्द गर्न माग राख्दै माइतीघरमा प्रदर्शन गरेको छ ।
अभियानले चुरे–भावर क्षेत्रलाई संरक्षण क्षेत्र घोषणा गर्न, उत्खननसम्बन्धी मापदण्ड कडाइका साथ कार्यान्वयन गर्न तथा वन क्षेत्रबाट हुने गतिविधिमा सम्बन्धित निकायको अनिवार्य समन्वय हुनुपर्ने माग राखेको छ ।
यस्तै, प्रदूषित नदी–नाला सफा गर्न, प्रदूषण नियन्त्रण बोर्ड गठन गर्न तथा तराई–मधेसको पानी संकट समाधानका लागि चेकड्याम निर्माण र जीर्ण सिँचाइ आयोजनाको स्तरोन्नति गर्न माग गरिएको छ । साथै, चुरेसम्बन्धी सरकारी निकायका कामको उच्चस्तरीय छानबिन गर्नुपर्नेमा पनि जोड दिइएको छ। तस्बिरहरू:
२०८२ चैत २६ गते
प्रतिक्रिया
सम्बन्धित
