गायिका नितु पौडेलको पशुपतिमा अन्त्येष्टि

काठमाडौँ । पशुपति आर्यघाटमा गायिका नितु पौडेलको पार्थिव शरीरको अन्त्येष्टि गरिएको छ ।

आज शनिबार दिउँसो पोस्टमार्टमपछि शवको अन्त्येष्टि गरिएको हो ।

गत शनिवार पौडेलले अनामनगरस्थित एक स्टुडियोमा आत्मदाहको प्रयास गरेकी थिइन् । आफ्नै शरीरमा आगो लगाएर गम्भीर घाइते भएकी उनलाई उपचारका लागि अस्पताल लगिएको थियो ।

आज बिहान साढे ८ बजे कीर्तिपुरस्थित वर्न अस्पतालमा उनको उपचारको क्रममा मृत्यु भयो ।

मृत्यु भएपछि उनको परिवारले स्टुडियो सञ्चालक गिरीविरुद्ध आत्महत्या दुरुत्साहनमा जाहेरी दिएको थियो ।

गिरी र पौडेल लामो समयदेखि एकअर्कासंग प्रेम सम्बन्धमा थिए ।