इटाली पुगेका प्रधानमन्त्री प्रचण्डसँग चिनियाँ नेताको भिडिओ वार्ता

प्रधानमन्त्री पुष्पकमल दाहाल ‘प्रचण्ड’सँग चिनियाँ कम्युनिष्ट पार्टीका शीर्ष नेता युआन जियाजुनले भिडिओ वार्ता गरेका छन् ।

चिनियाँ प्रतिनिधिमण्डलको नेतृत्व गरेर नेपालको तीन दिने भ्रमणमा रहेका जियाजुनले अपराह्न ४ बजे भर्चुअल माध्यमद्वारा छलफल गरेको प्रधानमन्त्रीको सचिवालयले जनाएको छ।

वार्तामा दुई देशको आपसी हितका विषयमा छलफल भएको जनाइएको छ।

प्रधानमन्त्री प्रचण्ड हाल इटालीमा छन्। उनी शनिबार त्यसतर्फ प्रस्थान गरेका हुन्।