बहुमतको दाबी गरिएका कागजातको प्रतिलिपी माग

काठमाडौं । विवेकशील पार्टीका नेता शशीविक्रम कार्कीले केपी शर्मा ओली र शेरबहादुर देउवाले आ-आफूलाई बहुमत सांसदको समर्थन रहेको दाबी गर्दै पेश गरेको कागजातको प्रतिलिपी माग गरेका छन् ।

राष्ट्रपति कार्यालयमा लिखित निवेदन दिएर सूचनाको हकसम्बन्धी कानुनको अधीनमा रही दुवै जनाले गरेको दाबीको कागजातको प्रतिलिपी मागेको नेता कार्कीले जानकारी दिए ।

यसका साथै दुवै दाबी पेश भएको समय, दुवैको दाबी नपुग्ने निर्णय गरेको समय, सरकारले प्रतिनिधि सभा विघटन गर्ने सिफारिस पठाएको समय र राष्ट्रपतिले त्यो सिफारिस सदर गरेको समय पनि माग गरिएको उनले बताए ।