बाबुराम भट्टराईले भने- ‘जसपा मुसा दौडमा छैन है’
काठमाडौँ । जनता समाजवादी पार्टीका संघीय परिषद् अध्यक्ष डा. बाबुराम भट्टराईले जसपा मुसा दौडमा नभएको बताएका छन् । एमाले र जसपाबीच सत्ता साझेदारीबारे वार्ता चलिरहेका बेला भट्टराईको यस्तो प्रतिक्रिया आएको हो ।
बिहीबार राति ट्विटरमार्फत भट्टराईले कुर्सीको खेलमा नलागी समस्याका जड खोतल्न लाग्नु पर्ने बताए । ‘देश गम्भीर संकटमा फसेको बेला राजनीतिक दल र नेताहरूको भूमिका अपेक्षित स्तरको भएन है’ भट्टराईले भनेका छन् ।
अदालतको कृपाले अलिअलि लाज बचेको बेला पुनः उही म्युजिकल चियरको खेलमा लाग्न नहुने तर्क उनको छ । उनले भनेका छन्, ‘समस्याका संरचनात्मक कारण खोतल्ने, आफ्नो आत्मसमीक्षा गर्ने र अग्रगामी निकास दिने पो हो त ।’
देश यति गम्भीर संकटमा फसेको बेला राजनीतिक दल र नेताहरूको भूमिका अपेक्षित स्तरको भएन है!अदालतको कृपाले अलिअळि लाज बचेको बेला पुन:उही म्युजीकल चेयरको खेलमा लाग्नुसट्टा समस्याका संरचनात्मक कारण खोतल्ने,आफ्नो आत्मसमीक्षा गर्ने र अग्रगामी निकास दिने पो हो त!जसपा त्यो मुसादौडमा छैन है!
— Baburam Bhattarai (@brb1954) March 11, 2021